ဒီနေ့တော့ အသားဟင်းမချက်တော့ဘူး။ ပဲအာလူးကို အရည်လေးနဲ့ချက်ပြီး သရက်သီးထောင်းစပ်စပ်လေးနဲ့ ဒါပဲ။ ဒီနေ့ ထိုင်းစာသင်ရတယ်။ တစ်ပတ်ကို နှစ်ရက်သင်ရတယ်။ ကြာလေများလာလေ လိုက်မမှီလေးပဲ။ အသက်ကြီးလာလို့ ဦးနှောက်တွေချောင်ကုန်တာလားမသိ။ မမှတ်မိတာတွေများလာတယ်။
အချိန်တစ်ခုတော့ပေးဖို့လိုပြီ။ နေ့စဉ်ပေါ့။ ညီမလေး ဘတ်လုပ်ဖို့ နာမည်တွေဘာတွေ ပေးလိုက်တယ်။ မနက်တိုင်းကြားနေကျ ရှင်မင်းလေးရဲ့ တေးသံသာကို နားဆင်ရတာလဲ တကယ်မသက်သာလှပါ။ ရေချိုးဖို့ ရေချိုးပုဝါကိုင်ပြီး ရေချိုးခန်းထဲဝင်သွားတဲ့အချိန်ကစပြီး အလုပ်သွားဖို့ အိမ်ကထွက်လာတဲ့အချိန်ထိ အာပြဲနဲ့ အော်ငိုတော့တာပဲ။ မအေ အလုပ်သွားတော့မယ်ဆိုတာသိတာနဲ့ အော်တာ အလုပ်သွားလို့ အိမ်ကထွက်တဲ့အထိ အသံက နောက်က လိုက်ပါလာတယ်။
ညနေအလုပ်ဆင်းလို့ သူ့အဒေါ်က ချီလာပြီး နန်းကိုလာကြိုတဲ့အချိန်ဆို ပျော်လို့ပြုံးလို့ ရီလို့မောလို့။ ဈေးသွားတဲ့အချိန်တချိန်လုံး သူ့အဒေါ်ပြန်ခေါ်လို့မရတော့ဘူး။ မအေလက်ပေါ်မှာပဲ မအေပုခုံးဖက်ပြီးနေတော့တယ်။ မေမေ့ချစ်ချစ်လေးလို့ခေါ်လိုက်ရင် သူ့ရင်ဘတ်ကလေးကို လက်ဝါးလေးနဲ့ ပုတ်ပုတ်ပြရတာအမော။ မီးမီးချစ်ချစ်လေးရောဆိုရင် နန်းရင်ဘတ်ကို သူ့လက်ဝါးလေးနဲ့ လှမ်းပုတ်ပြတယ်။
အဲ့ဒါလေးတွေနဲ့ တနေကုန်အလုပ်ထဲက အမောလေးတွေ ကြက်ပျောက်ငှက်ပျောက်ပေါ့။ တလောကလုံး တို့သားအမိနှစ်ယောက်ပဲရှိတော့သလိုလို။ ခိခိ။
ဒီနေ့ အသစ်ရောက်တဲ့အဖွဲ့ထဲက မြန်မာကောင်မလေးတစ်ယောက် နေ့လည်စာထမင်းမစားဘူး။ ည (၇) နာရီထိအလုပ်လုပ်ရမှာကို နေ့လည်စာထမင်းမစားတော့ ဘယ်လိုနေမလဲမသိဘူး။ ဟင်းးးး
ကလေးတွေပြောရဆိုရခက်ပါတယ်လေ။ အစာမဝင်လို့ နေမကောင်းဖြစ်ရင် ကိုယ်ပဲခံစားရမှာ။ လူလဲပင်ပမ်းမယ်။ ဆေးဖိုးလဲကုန်မယ်။ အလုပ်ပျက်တဲ့အတွက် ဝင်ငွေလဲ ထိခိုက်မယ်။ ဟုတ်တယ်လေ။ သူတို့တွေ မိဝေးဖဝေးမှာ ပိုက်ဆံလာရှာကြတာ ကိုယ့်ကိုကိုယ် ဂရုမစိုက်ရင် ဘယ်သူဂရုစိုက်မှာလဲ။
ဘေးက နန်းတို့က စိတ်ပူလို့ပြောပေးတာကို လက်မခံဘူး။ ထထွက်သွားတယ်။ စက်ရုံကကျွေးတဲ့ ထိုင်းဟင်းတွေမစားတတ်လို့တဲ့။ ကိုယ်တိုင်ဟင်းလုပ်ပြီးယူလာလို့ရတာပဲကို ဘယ်လိုနည်းနဲ့ပဲဖြစ်ဖြစ် အစာဝင်အောင်စားပါ၊ အစာမဝင်တဲ့ရက်တွေများလာရင် ကိုယ်ပဲထိခိုက်မယ်လို့ပြောပြတာ နန်းဘေးမှာထမင်းစားနေတဲ့ သူငယ်ချင်းတွေကလဲ ဝိုင်းပြောကြတယ်။ နန်းတို့ကို ဘယ်လိုထင်သွားတယ် မသိပါဘူး။ စိတ်မကောင်းဖြစ်မိတယ်။
အားးးးးးးးးးး ညနေ ဈေးသွားရင် ဘာဝယ်လို့ဘာချက်ရမှန်းမသိသေးဘူးကွာ။ မနက်ဖြန် အလုပ်ပိတ်တယ် (၂)ရက်။ သမီးလေးနဲ့အိမ်မှာဆော့ရမယ်။ စာတွေလုပ်ရမယ်။
No comments:
Post a Comment