မနေ့ညက သမီးလေးနေမကောင်းလို့ တစ်ညလုံးမအိပ်ရသေးဘူး။ မနက်ကျတော့ ဆေးခန်းသွားပြရမှာမို့ နေ့တဝက်အလုပ်နားလိုက်တယ်။ ကလေးတွေနေမကောင်းမဖြစ်စေချင်ဘူး။ ကိုယ်သာဖြစ်လိုက်ချင်တော့ တယ်။ ရှင်မင်းလေး တစ်ညလုံး ချောင်းဆိုးတာ လှိမ့်နေတာပဲ။
သနားဖို့ကောင်းတယ်။ နဂိုကမှ မကျန်းမာတဲ့ကလေးက ချောင်းတွေဆိုး၊ နှာတွေစေး၊ ရင်တွေကြပ်၊ တကယ်ပဲ မကြည့်ရက်ဘူး။ ဟိုနေ့က နန်း ဆေးခန်းသွားပြတော့ ရှင်မင်းလေးလည်း ခေါ်ခဲ့ရတာပေါ့။ ဆေးခန်းက အဲကွန်းကလဲ အေးလိုက်တာ လူအများကြီးရှိနေတာတောင်အေးစက်နေတာပဲ။ ဆေးရုံမှာအကြာကြီးစောင့်လိုက်ရတော့ ရှင်မင်းလေးလည်း အေးတာပေါ့။
အပြန်ကျတော့ အပြင်မှာ နေက ပူကျက်နေတာပဲ။ ပြီးတော့ Big C ကိုဝင်မွှေလိုက်သေးတယ်။ သူ့အတွက် တွန်းလှည်းလေးဝယ်ချင်လို့။ ရောက်လက်စနဲ့ လည့်ပတ်နေတော့ကြာသွားပြန်ရော။ Big C ကလည်း အေးတာပဲ။ အဲကွန်းထဲဝင်လိုက်၊ နေပူထဲထွက်လိုက်နဲ့ အဲ့ဒါနဲ့ပဲ ရှင်မင်းလေးနေမကောင်းဖြစ်သွားရှာတယ်။
No comments:
Post a Comment