မသိဘူးဆိုတဲ့စကားကို နန်းရဲ့ညီမလေးဆီက ခဏခဏကြားရလေ့ရှိတယ်။ အဲ့ဒီစကားကြားရတိုင်းလဲ ဘာကြောင့်မှန်းမသိ ထောင်းကနဲနေအောင် ဒေါသထွက်ရတာချည်းပဲ။ ဘာကိုပဲမေးမေး အလွယ်တကူ မသိဘူးလို့ပြန်ဖြေတတ်တာ ကောင်းတဲ့အလေ့အကျင့်တခုမဟုတ်တာတော့ သေချာပါတယ်။ မသိလို့ မသိဘူးလို့ဖြေတာမျိုးမဟုတ်ပဲ ပြီးစလွယ်ဖြေလိုက်မှန်းသိလို့ ပိုပြီးဒေါသထွက်ရတယ်။ မသိဘူးလို့ဖြေလိုက်ရုံနဲ့ အရာရာအဆင်ပြေသွားမယ်လို့ ထင်နေလားမသိပါဘူး။ ဘူးတစ်လုံးဆောင်အိုတောင်မဆင်းရဲဆိုတာကို ဘယ်လိုသဘောပေါက်လို့လဲမသိဘူး။ မရှိတာထက် မသိတာခက် ဆိုတဲ့စကားကိုရော ဘယ်လိုသဘောပေါက်လဲမသိ။
ဟိုနေ့ကဆို သူကိုယ်တိုင်လုပ်လိုက်တဲ့ကိစ္စတစ်ခုကို ဘာလို့အဲ့လိုလုပ်ရတာလဲဆိုတော့ ဘာလို့လုပ်လိုက် မိမှန်းမသိဘူးတဲ့။ ပဲတောင့်ရှည်ကို ဈေးမှာဝယ်စားရင် တစ်စည်း တစ်ဆယ်(မြန်မာငွေသုံးရာ) ပေးရတာ ခုနစ်တောင့်ရှစ်တောင့်ပဲပါတာ။ တောကနေကိုယ်တိုင်စိုက်ပြီးလာရောင်းတဲ့ တောသည်နားမှာ ဆယ့်ငါးဘတ်ဖိုးဆိုရင် လက်ဆုပ်စည်း အစည်းကြီးကြီးရလို့ဝယ်လာလိုက်တယ်။ တောသည်ကလည်း တခါတလေမှလာတာပါ။
အဲ့ဒီပဲတောင့်တွေကို ငံပြာရည်ချက်နဲ့တို့စား၊ အသုပ်ထဲမှာထည့်စားတာ နဲနဲပဲစားရသေးတယ် နောက်တနေ့ကျတော့ ကျန်တာတွေ အကုန်လွှင့်ပစ်လိုက်တယ်။ မနွမ်းသေးပါဘူး။ ပြီးတော့ တစ်ရက်ပဲရှိသေးတာ ပဲတောင့်က စားလို့ရပါသေးတယ်။ အလုပ်ကပြန်လာတော့ အမှိုက်ပုံးထဲရောက်နေပြီ၊ အယ် ပဲတောင့်တွေ စားလို့ရပါသေးတယ်။ ကြက်ဥနဲ့ကြော်စားရင်ရှင်းလေးက ကြိုက်တယ် ဘာလို့လွှင့်ပစ်တာလဲဆိုတော့ မသိဘူး၊ ဘာလို့လွှင့်ပစ်လိုက်မှန်းမသိဘူးတဲ့။
နောက်တစ်နေ့ကျတော့ အလုပ်ပြန်တဲ့အချိန် ပေါက်ပန်းဖြူရွက်တွေ ပြုတ်ပြီးမှ လွှင့်ပစ်ထားပြန်ရော။ အယ် ဒီနေ့မှဝယ်တာမို့လား။ ဘာလို့လွှင့်ပစ်ပြန်တာလဲ ဆိုတော့ မသိဘူးတဲ့။ ပေါက်ပန်းဖြူရွက်က မရင့်ပါဘူး၊ ပြုတ်လိုက်ရင် နူးသွားတာပဲ စားလို့ရတယ်လေဆိုတော့ မသိဘူး ဘာလို့လွှင့်ပစ်လိုက်မှန်းမသိဘူးတဲ့။
သူက လွှင့်ပစ်တာတော့ တော်တော်လေးကို ကြိုက်တယ်။ ကြမ်းတိုက်ဝတ်တွေဆိုလဲ မလျှော်ဘူး၊ လွှင့်ပစ်တယ်။ ညစ်ပတ်တာတွေကိုမပြောပါဘူး။ ရှင်းလေး မုန်စားတာပေပွလို့သန့်ရှင်းထားတဲ့ အဝတ်တွေကိုလဲ လွှင့်ပစ်တာပဲ။ ရှင်းလေးနောက်ဖေးသွားတဲ့အချိန် ဒိုင်ယာပါကနေ ကျော်ပြီး အပြင်ကိုထွက်သွားလို့ အဝတ်အစားတွေပေသွားရင်လဲ လွှင့်ပစ်တာပဲ။ ရှင်းလေးအဝတ်ဆိုတာ ဝယ်လို့မနိုင်ဘူး။
တနေကုန်အလုပ်လုပ်ရတာ ဘယ်လောက်ပင်ပမ်းတယ်ဆိုတာ ကိုယ်တိုင်ပဲသိတယ်။ စားပစ်လိုက်ရတာ မနှမျောပေမဲ့ ဝယ်လာပြီးတော့ ပစ်လိုက်ရတာကိုတော့ နှမျောမိတာပေါ့။ ဝယ်လာပြီးတော့ ရင့်လို့ဒီအတိုင်းပစ်တာမဟုတ်ဘူး။ မီးတွေဘာတွေနဲ့ သေချာပြုတ်ပြီးမှ ပစ်လိုက်တာ။ ကပ်စီးနဲလို့ပြောနေတာလဲ မဟုတ်ပါဘူး။ နှမျောနေလို့လဲ အမှိုက်ပုံးထဲက ပြန်ယူစားလို့ဖြစ်တာမဟုတ်ဘူး။ သူ့ကို သေချာစေချင်တာ၊ ဘာလုပ်လုပ် ဂရုတစိုက်လေးလုပ်စေချင်တာ၊ ပြီးစလွယ် လုပ်တတ်၊ ပြောတတ်တာတွေကို သဘောမကျတာ။ အဲ့ဒါနဲ့ပဲ မသိတာပဲကောင်းပါတယ်လို့ ပြောလိုက်တယ်။ အဲ့ဒီတစ်ခွန်းထဲပါ။ အသံတော့ ကျယ်သွားတယ်။ သူက စိတ်ဆိုးတယ်တဲ့ နန်းကို စကားမပြောဘူးတဲ့။
သူက နန်းညီမလေး အငယ်ဆုံးပါ။ သူနဲ့နန်းနဲ့ ကိုးနှစ်ကွာတယ်။ နန်းတို့မောင်နှမလေးယောက် သုံးနှစ်စီငယ်ကြတယ်။ နန်းသူ့ကို ပြန်တောင်းပန်ရမှာလား။ ပြီးတော့ မြန်မာပြည်က မိသားစုတွေနဲ့ ဖေ့ဘုတ်မှာ သူက အဆက်အသွယ်ရှိနေတော့ သူက အရင်တိုင်ပြောပြီးပြီ။ တိုင်ပြောတာတွေ မပြောတာတွေ သိပ်တော့ အရေးမပါပါဘူး။ နန်းက ဖေ့ဘုတ်မသုံးတော့ အိမ်နဲ့အဆက်အသွယ်မရှိဘူး။ တော်ရုံတန်ရုံလဲ အိမ်ကို မဆက်သွယ်တတ်ဘူးလေ။ မာမီတို့မွေးနေ့လိုမျိုး၊ လောက်မှပဲ ဖုန်းဆက်ဖြစ်တာ။
ဘာသတင်းမှမကြားတာ အဆင်ပြေနေလို့ပဲလေ။ ဟုတ်တယ်မို့လား။ တော်ရုံတန်ရုံလဲ စကားတွေအများကြီးမပြောတတ်တော့ မိသားစုမှ မဟုတ်ပါဘူး။ သူငယ်ချင်းမိတ်ဆွေတွေကိုလဲ အဆက်အသွယ်မလုပ်ဖြစ်ဘူး။ ကိုယ်တိုင်က ခပ်အေးအေးပဲနေတတ်တယ်လေ။ ထားလိုက်ပါ။ စိတ်ထဲမှာ တော်တော်ခံပြင်းနေတာတော့ အသေအချာပဲ။
တိုင်းတပါးမှာ နေတာလေ။ တသက်လုံး အမနဲ့နေမှာမဟုတ်ဘူး။ ရှေ့ဆက်အသက်ရှင်ဖို့အချိန်တွေ အများကြီးရှိသေးတယ်။ မသိဘူးဆိုရုံနဲ့ အားလုံးအေးချမ်းသွားရင်တော့ကောင်းတာပေါ့လေ။ သူ့ဘဝလေးကို အေးချမ်းစေချင်တယ်။ ညီမလေးအငယ်ဆုံးဆိုတော့ ချစ်လဲချစ်တယ်။ အဲ့ဒါကြောင့်လဲ အိမ်ထောင်ပြုပြီးထဲအထိ စောင့်ရှောက်နေတုန်းပါ။ ဒါတွေထားပါလေ။ ကိုယ်က အကြီးပဲနော့။
No comments:
Post a Comment