အလုပ်လုပ်ရတာ အဆင်မပြေတော့ဘူး။ ဖိနှိပ်မှုတွေများလာသလိုပဲ။ မြန်မာတွေကို တအား ဂုတ်နှိပ်ထားသလိုခံစားလာရတယ်။ ကိုယ့်ဌာနမှာတော့ ကိုယ့်ကို အဲ့လိုမလုပ်ပေမဲ့ တခြားဌာနတွေမှာ တအား အနှိမ်ခံနေရတာတွေကြားနေရတယ်။
စက်ရုံတစ်ခုလုံးအတိုင်းအတာနဲ့ဆိုရင်မြန်မာတွေ တော်တော်ဖိနှိပ်ခံနေရတယ်ကွာ။ ဘယ်လိုဖြေရှင်းလို့မှရမှာမဟုတ်ဘူး။ မကင်းနိုင်ရင်ကောင်းအောင်နေ။ မကောင်းနိုင်ရင် ကင်းအောင်နေတဲ့။ ကိုယ်ကောင်းရင်ခေါင်းမရွေ့ပါဘူးဆိုတဲ့စကားက ဒီနေရာမှာတော့ မမှန်လောက်ဘူးထင်တယ်။
ဒါနဲ့စကားမစပ် မနက်ဖြန် အယုဒ္ဓယမြို့ဟောင်းသွားလည်ကြမယ်။ မြန်မာတွေဖျက်စီးလိုက်လို့ ပျက်စီးသွားတဲ့ မြို့ကြီးကို မပြုပြင်ပဲ ဒီအတိုင်းထားလိုက်ကြတယ်တဲ့။ ဘယ်တော့မှ မမေ့အောင်လို့တဲ့။ ယူနက်စကို ကမ္ဘာ့ရှေးဟောင်းအမွေအနှစ်စာရင်းဝင်တဲ့။ ဓါတ်ပုံကောင်းကောင်းလေးတွေရိုက်လာချင်လိုက် တာနော်။ ကင်မရာတစ်လုံးတောင် မဝယ်နိုင်သေး ပါလားနန်းရွှေမှုံရယ်။
မရှိမဲ့ရှိမဲ့ ဖုန်းလေးတောင် သမီးက ရေနွေးထဲစိမ်လိုက်လို့ တော်တော်စိတ်မကောင်း ဖြစ်နေတယ်။ ရေနွေးသောက်မလို့ခွက်ထဲ ငှဲ့ထားပြီး ဟင်းချက်နေမိထာ။ သမီးကလည်းငြိမ်နေတော့ သတိမထားလိုက်မိဘူး။ သူမြင်မှာဆိုးလို့ချောင်လေးထဲမှာသေချာထားထားတဲ့ရေနွေးခွက်ကိုတွေ့ဖြစ်အောင် တွေ့ပြီးတော့ သွားဆော့တယ်။ ပူတော့လက်နဲ့မနှိုက်ပဲ အပေါ်မှာတင်ထားတဲ့ဖုန်းကိုရအောင်ယူပြီး နှစ်ဆော့ နေတယ်။ အပူတွေဘာတွေမလောင်လို့တော်သေးတာပေါ့။
သမီးငြိမ်လှချည်လားလို့ကြည့်လိုက်တော့မှ လားလား ဖုန်းကိုရေနွေးထဲမှာနှစ်နှစ်ပြီးတော့ ဆော့နေတာ။ အပူလောင်မှာစိုးလို့ ရေနွေးခွက်ကိုချော့ယူပြီး ဖုန်းကိုထုတ် ဓါတ်ခဲ့ထုတ်၊ ဆင်းမ်းကဒ်ထုတ်ပြီး သူ့ပါပါးက အချိန်တော်တော်ကြာကြာ ရိုက်ခါပစ်ရတယ်။
အဲ့ဒီဖုန်းက တော်တော်အကြမ်းခံပါတယ်။ ရေငုတ်တာ သုံးခါရှိပြီ။ သူငယ်ချင်းတွေအဆောင်ရှေ့က ရေမြောင်းကြီးထဲလဲ ခုန်ချပြီးပြီ ဒါတောင်သုံးလို့ရသေးတယ် အဲ့ဖုန်းက။ ခုလည်း ရေတွေရိုက်ခါပြီး မှည့်အောင်လို့ ဆန်ထဲထည့်အုပ်ထားလိုက်တယ်။
မနက်ကျတော့ ဆင်းမ်ကဒ်ထည့်ပြီး သူများဖုန်းနဲ့ပြန်ခေါ်ကြည့်တော့ဖုန်းသံမြည်သေးတယ်။ ဟဲလို (စကားပြောလို့)လုပ်လို့လဲ ရသေးတယ်။ ခလုတ်တွေတော့ သိပ်မမိချင်တော့ဘူး။ မျက်နှာပြင်မှာလဲ အကွက်ကြီးထင်သွားတယ်။ အဝင်ကောလ်တွေပဲ ပက်ပက်စက်စက်လက်ခံတော့မယ်လေ။ ခိခိ။
No comments:
Post a Comment