ရှင်မင်းသန့်ရဲ့ ဘာသာစကား(၂)

မနက်ခင်း အလုပ်သွားဖို့ သနပ်ခါးလိမ်းနေတုန်း သမီးက မုန့်စားနေရင်းက အာလုတ်သံကြီးနဲ့ “အမေ အမေ” နဲ့ခေါ်နေတာကို သတိမထားမိဘူး။ လေး ငါးခွန်းကြားလာမှ “ အယ် ရှင်းရှင်းလေး အမေလို့ခေါ်နေတာလား ဟုတ်လား။ ခေါ်ပါအုံး။ အမေလို့ခေါ်ပါအုံး” ဆိုတော့ ရှက်သွားတဲ့ မျက်နှာထားနဲ့ ခေါင်းငုံ့သွားပြီး မခေါ်တော့ဘူး။ သူမခေါ်တော့မှ ကိုယ်က ပိုပြီးကြားချင်လာတယ်။ “သမီးလေး အမေလို့ခေါ်ပါအုံး” ဆိုတော့မှ ခေါင်းမော့လာပြီး “အမေ” လို့ တစ်ခွန်းထပ်ခေါ်တယ်။ ကြားဖူးသမျှအသံတွေထဲမှာ ဒါဟာ ဒုတိယအကြိမ်မြောက် အချိုသာဆုံး။ အအေးမြဆုံးအသံပါပဲ။

သားသား ငယ်ငယ်ကလဲ နန်းကို မေမေလို့မခေါ်ဘူး။ ပတ်ဝန်းကျင်ကရော မိသားစုကရော နန်းကို မမကြီးလို့ခေါ်ကြတော့ သူကလဲ မမကြီးလို့ပဲခေါ်တယ်။ မေမေလို့ခေါ်ဖို့ မနည်းသင်ရတာ။ ဒါလဲ မခေါ်ဘူး။ မူကြိုတက်တဲ့အရွယ်ရောက်မှ သူများကလေး တွေ မေမေခေါ်သံကြားလို့ထင်ပါရဲ့ ကျောင်းကပြန်ရောက်တဲ့ တညနေ သူ့အရုပ်တွေနဲ့ တစ်ယောက်ထဲ ကစားရင်း “မေမေ မေမေ” နဲ့ခေါ်ကြည့်နေရင်းက သူကစားတဲ့ဘေးနားမှာ အလုပ်လုပ်နေတဲ့ နန်းကို “မေမေ” လို့လှမ်းခေါ်တာ။ အဲ့ဒီတုန်းကလဲ “အယ် သားသားက မေမေလို့ခေါ်တယ်တော့” ဆိုပြီး ကြည်နူးလိုက်ရတာ။ ဝမ်းသာလိုက်ရတာ။ ပျော်လိုက်ရတာ။

ကလေးတွေက စကားပြောတတ်ရင် မေမေ မန်မန် ဆိုတဲ့ စကားတွေကနေ စပြောကြပေမဲ့ သားသားကတော့ ရှစ်လ၊ ကိုးလ လောက်ကတည်းက “ဘာ” (ဘာတုန်းလို့ ရန်ထောင်တာ) ကနေစပြောတယ်။ သင်တဲ့သူတွေကလဲ “ဘာတုန်း” လို့ရန်ထောင်လိုက်သားသား ဆိုပြီး သင်ကြတယ်။ ပြီးတော့ နောက်တစ်ခွန်းတက်လာတယ်။ လက်ဝါးထောင်ပြပြီး “ပါးပါး” တဲ့။ နန်းက တနေကုန်အလုပ်သွားနေပြီး အိမ်က ညီမတွေ ပတ်ဝန်းကျင်က သူတွေနဲ့ပဲ နေခဲ့ရတော့ သူတို့သင်သမျှ ကလေးက လိုက်ပြောတာပေါ့။ နောက်ပိုင်းကျတော့ မာမီ့ကို မာမီလို့ခေါ်ပြီး ဒက်ဒီ့ကို ဘဘ တဲ့။ နန်းကိုတော့ မမကြီးတဲ့။

သမီး ကတော့ “အမေ” ဆိုတဲ့စကားက စပြောတာပေါ့။ ဒါပေမဲ့ ကလေးနှစ်ယောက်လုံးက အသက်(၃) နှစ်ရှိခါနီးကျမှ “အမေ” ခေါ်တာကြားရတဲ့ မအေခမြာလဲ မချင့်မရဲနဲ့ပါ။ ဘယ်အရွယ်မှပဲခေါ်ခေါ်ပါ။ သားသမီးက “မေမေ” လို့ခေါ်တဲ့အသံလောက် သာယာနာပျော်ဖွယ် ကောင်း တဲ့အသံ။ ကြည်နူးချမ်းမြေ့စရာကောင်းတဲ့အသံ ရှိနိုင်ပါအုံးမလား။ ခုတော့ ဖေဖော်ဝါရီလ ၈ ရက်နေ့မှာ ရှင်မင်းသန့်လေး (၃) နှစ်ပြည့်ပါပြီ။ အသက်(၃)နှစ်ပြည့်ခါနီးမှာ သမီးလေးနှုတ်က စကားတစ်ခွန်းတော့ပြောနိုင်လာပြီ။ ပြောလာတဲ့စကားတစ်ခွန်းက “အမေ” တဲ့။