အိမ်ရောက်လို့ တံခါးဖွင့်လိုက်တာနဲ့ ရင်ဝဆောင့်ကန်လိုက်သလို အမောဆို့သွားတာပဲ။ တအိမ်လုံးကို ရစရာမရှိအောင် ရှုပ်ပွနေတာ။ ခြေချစရာမရှိဘူး။ သမီးအဝတ်ပုံးက ပွင့်နေပြီးတော့ သမီးအဝတ်တွေက ဟိုတစ်စ ဒီတစ်စ။ အဝတ်ပုံးထဲမှာ ထည့်သိမ်းထားတဲ့ ဖိုင်ထဲက သမီးရဲ့ မွေးစာရင်းနဲ့ ကျန်းမာရေး မှတ်တမ်းတွေက ဟိုတစ်ရွက် ဒီတစ်ရွက်။ ဆေးရုံက ထုတ်ပေးထားတဲ့ စာအုပ်ကလဲ အဖုံးကျွတ်ပြီး ပိုးလို့ပက်လက်။
အိမ်မှာခေါ်ပြီးထိန်းပေးတဲ့ ကလေးလေးရဲ့ မိုးကာအိင်္ကျီကလဲ ကိုးရို့ကားရား။ ကျောပိုးအိပ်ထဲက အဲ့ကလေးလေးရဲ့ အဝတ်အစားတွေ ကလဲ ဝင်တချို့ထွက်တချို့။ ထမင်းစားပွဲပေါ်မှာလဲ စားလက်စ ပန်းကန်တွေက တို့လို့တန်းလန်း။ သောက်လက်စ ရေနွေးခွက်တွေက တောင်တစ်ခွက်မြောက်တစ်ခွက်။ ရေဇလုံထဲမှာလဲ စားပြီးသားပန်းကန်တွေက ထိုးထိုးထောင်ထောင်။
ညီမလုပ်သူကိုကြည့်လိုက်တော့ ကိုယ်တံခါးဖွင့်တဲ့အချိန်တုန်းက မျက်လုံးဖွင့်ကြည့်ပြီး အယ်ဘယ်လိုဖြစ် တာလဲလို့မေးလိုက်မိမှ မျက်လုံးပြန်ပိတ်သွားတယ်။ သမီးက သူ့ညာဖက်ဘေး မှာ ပက်လက်က နေ စာရွက်တွေဖြဲလို့။ ဟိုကလေးလေးက သူ့ဘယ်ဖက်ဘေးမှာ ဘေးတစောင်းလေး အိပ်လို့။
အိုးးးး တော်တော် အမောဆို့သွားတယ်။ အိမ်ဆိုပေမဲ့ အခန်းတစ်ခန်းပဲရှိတော့ အိမ်ရှေ့ခန်းမှာပဲ ထမင်းချက်တာ စားတာသောက်တာ အကုန်လုံးပြီးမှ ပြန်သန့်ရှင်းပြီး အိမ်ရှေ့ခန်းမှာပဲအိပ်ရတာ။ အခန်းထဲမှာ ညီမလေးတို့လင်မယားအိပ်တယ်လေ။
ခပ်တည်တည်နဲ့ပြန်အိပ်နေသူတွေကိုလစ်လျှူရှုလို့ ဟိုတစ်စ ဒီတစ်စဖြစ်နေတဲ့ သမီးအဝတ်တွေကို ပုံးထဲပြန်ကောက်ထည့်၊ စာရွက်တွေကို တစ်ရွက်ချင်းလိုက်ကောက်လို့ ပြန်ဖြန့် စီပြီးတော့ဖိုင်ထဲပြန်ထည့်၊ ထိန်းပေးတဲ့ကလေးလေးရဲ့မိုးကာကိုချိတ်နဲ့ချိတ်ပြီး အိမ်ရှေ့က အဝတ်တန်းမှာသွားချိတ်၊ သူ့အဝတ်အစား တွေ သူ့ကျောပိုးအိတ်လေးထဲ ထိုးထည့်ပြီးပြန်ပိတ်။ စက္ကူစုပ်တွေကောက်ပြီး အမှိုက်ပုံးထဲထည့်။ တံမြက်စည်းလှည်း။
ထမင်းစားပွဲလေးပေါ်က စားလက်စပန်းကန်တွေ ကိုဇလုံထဲထည့်ပြီးနောက်ဖေးက ဘေဇင်ပေါ်သွားတင်ပြီး ပြန်ထွက်လာတော့ သမီးက တဟင့်ဟင့်နဲ့ လက်ဆန့်တန်းလို့ ချီခိုင်းနေပြီ။ သမီးကိုခဏကောက်ချီပြီး မွှေးမွှေးပေး။ သမီးနဲ့ ခဏကစား။ သမီးက စကားမပြောတတ်ပေးမဲ့ လက်ညှိုးထိုးပြပြီး လိုချင်တာကိုတောင်းတတ်တယ်လေ။ သမီးက သူ့မျက်လုံးလေးကို လက်ညှိုးထိုးပြပြီး လက်ဖျားလေးတွေကို ခါပြတော့ သူ့မျက်စိနာနေတယ်လို့ နားလည်လိုက်တယ်။
ကြည့်လိုက်တော့ သမီးလေးရဲ့ ဘယ်ဖက်မျက်လုံးတစ်ဖက် နီရဲပြီးတော့ ယောင်နေတယ်။ မျက်စိကျိန်းနေ တယ်လို့ထင်သွားတာ။ မျက်စိက တစ်ဖက်ထဲကျိန်းတယ်။ ဆေးခန်းသွားရမလားမသိ ဘူးလို့ပြောရင်း အောက်မျက်ခမ်းလေးကို အသာဖြဲကြည့်လိုက်တော့ ဖြူဖြူအဖက်ကြီးတွေ့တယ်။ အပြင်ဖက်ကနေ မျက်ခွံလေးကို အသာဖိလိုက်တော့ ပလွတ်ကနဲ ထွက်ကျလာတာ စက္ကူစကြီး။
ဘယ်လောက်တောင်နားနေလိုက်မလဲ။ ဘယ်အချိန်ကတည်းက ဝင်နေမှန်းမသိဘူး။ နန်းတို့လူကြီးတွေ မျက်လုံးထဲကို အမှုန်သေးသေးလေးဝင်သွားရင်တောင် မနေနိုင်မထိုင်နိုင်ဖြစ်ရတာ။ မျက်တောင်မွှေးလေး ကျွတ်ပြီး စိုက်နေရင်တောင် ဘယ်လိုမှ မခံစားနိုင်ဘူး။ ခိုးလို့ခုလုဖြစ်လို့။ သူ့ခမျာ စက္ကူစကြီး အကြီးကြီးပဲ။ လက်မ က လက်သည်းခွံလောက်ရှိတယ်။ ခေါက်ပြီးတော့ဝင်နေတာ။
ဘယ်လိုဝင်နေသလဲလို့ စဉ်းစားလို့ကို မရဘူး။ ပက်လက်နေရင်းက စက္ကူကိုဖြဲတော့ မျက်လုံးပေါ်ကျသွား တာကို ပွတ်ထုတ်ရင်း အပြင်ကိုမထွက်ပဲ အတွင်းကို ပိုဝင်သွားတာဖြစ်မယ်လို့ ကိုယ့်ဖာကိုယ် ပုံဖော်စဉ်းစားကြည့်မိတယ်။ ကိုယ်ပြန်လာတဲ့အချိန်လဲ သမီးက ပက်လက်ကလေးနေပြီးတော့ စက္ကူတွေဖြဲနေတာကိုး။ သူကိုယ်တိုင်မှ ထပြီးမထိုင်နိုင်တာ။
သမီးက မျက်စိနာနေတာကို သူ့အဒေါ်ကိုမပြောဘူးလား။ သမီးက ပြောတယ်ဆိုတာလဲ လက်နဲ့ပုတ်ပြီး ခေါ်တာလေ။ သမီးပြောတာကို သူ့အဒေါ်က နားမလည်လို့လား။ သမီးက ခေါ်တာကို သူ့အဒေါ်က မနိုးလို့လား။ လားပေါင်းများစွာနဲ့ တစ်ယောက်ထဲ ဒေါသထွက်နေတာလား။ စိတ်တိုနေတာလား။ ဝမ်းနည်းနေတာလား။ မသိတော့ပါဘူး။
သမီးနဲ့ပတ်သက်ရင် မျက်ရည်ကတော့ တော်တော်လွယ်တယ်ပြောရမယ်။ ပါးပေါ်မှာ တလိမ့်လိမ့်ကို စီးကျနေတယ်။ သမီးလေးစိတ်ကျေနပ်သွားပြီဆိုမှ ပြန်ချထားပြီး ယူနီဖောင်းလဲ။ နောက်ဖေးက ပန်းကန်တွေဆေး။ ထမင်းအိုးတည် ပြီးတော့ ညနေ (၆)နာရီခွဲကျော်ပြီ။
(၇) နာရီကျော်ရင် သမီးပါပါးနဲ့ မက်ကလေးတို့ပြန်လာတော့မယ်။ ဈေးသွား။ ချက်ပြုတ်။ သမီးပါပါးတို့ ပြန်လာတော့ အိပ်နေတဲ့လူလဲ နိုးလာတယ်။ ရီရီမောမောပါပဲ။ ညစာ စားသောက်ပြီး ည (၉)နာရီ ကျော်၊ (၁၀) နာရီမှ ရေမိုးချိုး အိပ်ရာဝင် ဒီလိုနဲ့ပဲ တမိုးချုပ်ခဲ့ရပြန်ပေါ့။
အေးမြချမ်းသာကြပါစေ။
လေးစားစွာဖြင့်...
နန်းရွှေမှုံ။
(တီတင့်ကို အားကျလို့း)) )
No comments:
Post a Comment