သမီးက ၁၁ ကီလိုကျော်လာတော့ ချီသွားရတာတကယ်မသက်သာပါဘူး။ သမီးကျောင်းက လေးထပ်မှာ ရှိတော့ မေမေ မြန်မြန်ဝိတ်ကျတာပေါ့နော့။ (အရပ် ငါးပေလေးလက်မမှာ ငါးဆယ့်တစ်ကီလိုပဲ ရှိတဲ့မေမေ က တော်တော်ဝရှာတာကိုး။) တကူးတက လေ့ကျင့်ခန်းယူစရာမလိုတော့ဘူးပေါ့။ မနက်ဆိုရင်ချီပြီးတော့ သမီးကျောင်းရှိရာကိုလမ်းလျှောက် လေးထပ်ကိုတက်။ သမီးကိုပို့ပြီးပြန် ဆင်းလာ။ အလုပ်သွား။ ညနေ ဆိုရင် အလုပ်ဆင်းမှ လေးထပ်ကိုတက် သမီးကိုချီပြီးပြန် ဆင်းလာ ဈေးသွား ပြီးအိမ်ပြန်။ သမီးကို ကလေး ထိန်းကျောင်းပို့တာ နှစ်ရက်ပဲရှိပါသေးတယ်။
မနေ့က သမီးပါပါးလာကြိုတယ်။ သမီးကို သူချီပြီးဈေးသွားတာ လက်မောင်းပြုတ်တော့မယ်တဲ့။ နောက်နေ့ ကျရင် နန်းသမီးကိုကြိုပြီးရင် အိမ်တန်းပြန်တော့တဲ့။ ဈေးကို သူဝင်ဝယ်လာမယ်တဲ့။ လိုအပ်တာတွေ စာနဲ့ ရေးပေးလိုက်တဲ့။ စက်ရုံနားက ဈေးမှာ ကြာသပတေးနဲ့ တနင်္ဂနွေပဲ မြန်မာဈေးဆိုင်လာတယ်ဆိုတော့ လိုတာတွေ စာရေးပေးလိုက်တယ်။ အဆင်ပြေမှာပါ။
မနက်က အိပ်ပျော်သွားလို့ ခုနစ်နာရီခွဲခါနီးမှ နိုးကြတယ်။ သမီးပါပါးက ခုနစ်နာရီလေးဆယ့်ငါးဆိုရင်အလုပ် သွားပြီမို့ မနက်စာ ထမင်းစားဖို့မမှီတော့ဘူး။ သူသွားတဲ့အချိန်ထမင်းတောင်မကျက်သေးဘူး။ ရေနွေးတည် ပြီး လက်ဘက်ရည်ဖျော်ပေးလိုက်တယ်။ လမ်းကျမှ ဆဲဗင်းအလဲဗင်းက မာမားဗူး ဝယ်စားခိုင်း လိုက်တယ်။ ဆဲဗင်းမှာဆို ရေနွေးလဲအဆင်သင့်ရှိပြီး သားပဲလေ။ နန်းတို့သားအမိကတော့ ရှစ်နာရီ ဆယ့်ငါးလောက်မှ အိမ်ကထွက်တာဆိုတော့ နံနက်စာမှီသေးတယ်။ ညနေပြန်လာရင်တော့ ဈေးသွားတဲ့ကိုကို အဆင်ပြေ မလားမသိ။ မိန်းမတွေများ အဲ့လိုပဲ တွေးပူတတ်လွန်းတယ်။
No comments:
Post a Comment