ထိုင်းစာ/ထိုင်းစကား။

အိမ်မှာ ဆရာခေါ်ပြီး ထိုင်းစာနဲ့ စကားသင်ဖို့ စီစဉ်နေတယ်။ ဆရာက တစ်ယောက်ထဲဆို ကျွန်တော်လဲ လာရတာ တအားဝေးတယ်ဆိုတော့ ဈေးနဲနဲများမယ်၊ သူငယ်ချင်းတွေရောစုလိုက်ပေါ့။ အဲ့ဒါဆို ကျွန်တော့် အတွက်လဲ အဆင်ပြေမယ်၊ ပြီးတော့ ပေးရတဲ့ပိုက်ဆံလဲ တဝက်လောက်လျှော့သွားမယ်တဲ့။ 

ကျွန်တော်သင်ပေးတဲ့ပုံစံက အခြေခံ၊ Level 1 ၊ Level 2  ဒါမျိုးပေါ့ သင်ရိုးတစ်ခုကို ၂၄ နာရီသင်ပေး ပါတယ်။ တပတ်ကို ၂ နာရီနဲ့ သုံးလပေါ့။ အဲ့ဒါ သင်ရိုးတစ်ခုအတွက် တစ်ယောက်ထဲဆိုရင်တော့ ဘတ်လေး ထောင်ယူပါတယ်။ ငါးယောက်အထိဆိုရင် ဘတ်နှစ်ထောင့်ငါးရာပါ။ ငါးယောက်နဲ့အထက်ဆိုရင်သင်ရိုးတစ် ခုစာ ဘတ်နှစ်ထောင်ပဲယူပါတယ်တဲ့။ 

အဲ့ဒါနဲ့ သူငယ်ချင်းတွေကို စည်းရုံးကြည့်တော့ ဘတ်နှစ် ထောင်နဲ့သုံးလဆိုတာ တစ်လမှ လေးပတ်ပဲရှိတော့ ဆယ်နှစ်ရက်ထဲရယ်တဲ့။ အဲ့လောက်နဲ့ ဘယ်လိုလုပ် တတ်မှာလဲတဲ့။ မတန်ဘူးတဲ့။ သူတို့ကဘတ်နှစ်ထောင် ပေးပြီး တခါထဲ အကုန်တတ်ချင်တယ်ထင်တယ်။ မတန်ဘူးဆိုတာ ဘယ်လိုမျိုးကိုပြော တာလဲမသိ။ ပြီးတော့ အားပါးပါး တစ်ယောက်ကိုဘတ်နှစ်ထောင် ဆယ်ယောက်ဆိုတော့ ဘတ်နှစ်သောင်းကြီးတောင်တဲ့။ နန်းက ဘာလိုအဲ့လိုမတွေးတာလဲ မသိဘူး။ သူတို့က သူများ(ဆရာ) ရသွားမဲ့ပိုက်ဆံကိုမြင်ကြတယ်။ နန်းကတော့ ဘတ်နှစ်ထောင်ထဲနဲ့ နန်းရမဲ့ပညာကိုပဲမြင်တယ်။

နန်းကတော့ သင်ချင်တတ်ချင်နေတဲ့သူမို့လားမသိ တန်တယ်ထင်တာပဲ။ ပြီးတော့ သူတို့တွေက ပေးရတာနဲ့ တန်အောင်ရချင်ကြတယ်။ ပေးရတာ ထက်ပိုရချင် ကြတယ်ဆိုရင် ပိုမှန်မယ်ထင်တယ်။ နန်းကတော့ ကိုယ် ရမှာနဲ့ တန်အောင်ပဲပေးချင်တယ်။ တကယ်ဆို အဲ့လိုအိမ်မှာစုပြီးသင်ကြတယ်ဆိုတာ အိမ်ရှင်အတွက် အပို ဗာဟီရတွေ တအားများတယ်။ အနဲဆုံးတော့ လူများလာရင် အိမ်သာညစ်ပတ်မယ်၊ အရင်က လင်မယားနှစ် ယောက်ထဲမို့ တနေကုန်လဲ အိမ်မှာနေကြတာမဟုတ်တော့  နှစ်ပတ်လောက်နေမှ တစ်ခါဆေးလို့ရသေး တယ်။ ခုတော့ တပတ်တခါ မဆေးမဖြစ်ကိုဆေးရတော့မယ်။ ပြီးရင် မြန်မာ့ထုံးစံအရ လူများရင် အမှိုက်များ မယ်။

ပြီးတော့ စားပွဲတို့၊ ဝှိုက်ဘုတ်တို့၊ ဝှိုက်ဘုတ်ပင်န်တို့၊ သောက် ရေတို့၊ ပန်ကာဖွင့်ပေးရတာတို့မြန်မာ ပီပီ ဆရာ့ကို အအေးလေးနဲ့ ဧည့်ခံချင်တာ တို့ဆိုတာ အားလုံး ကိုယ်ကစီစဉ်ပေးရမှာတွေ။ အဲ့ဒါတွေ လုပ်ပေးဖို့ နန်းက အားလုံးစီစဉ်ထားပြီးပြီ၊ ဒါတွေဟာ ပညာပါရမီ ဖြည့်ပေးရတာ ကုသိုလ်အများကြီးရတယ်ဆို ပြီးတော့ နန်းမှာတော့တွေးတွေးပြီးပျော်လို့။ အိမ်မှာလာပြီး သင်ကြမှာနဲ့ပတ်သက်လို့ ငွေကြေးတစ်စုံတစ်ရာ ရအောင် လုပ်မယ်ဆိုတဲ့ အတွေးမျိုး လုံးဝ(လုံးဝ) ကိုမရှိခဲ့ဘူး။ အိမ်မှာရေခဲသေတ္တာမရှိတော့ ရေခဲပုံးလေးဝယ်၊ ရေခဲဝယ်ပြီး စာလာသင်တဲ့သူတွေကို ရေခဲရေအေးအေးလေး တိုက်မယ် (တော်ကြာ နေပူထဲက လာတဲ့ သူတွေ ရေခဲရေအေးအေးတိုက်လို့အဆင်ပြေပါ့မလား) လို့တောင် စဉ်းစားနေတာ။

နန်းမှာဖြင့် သင်တန်းကြေးအပြင် အဲ့ဒီအပိုဗာဟီရတွေ လိုက်ရမှာကိုတောင် တန်တယ်ထင်နေတာ။သူတို့က သင်တန်းကြေးလေးပဲပေးရမှာကို မတန်ဘူးတဲ့။ နားမလည်နိုင်ဘူး။ ပြီးတော့ နန်းတို့အားတဲ့အချိန်နဲ့ ဆရာ အားတဲ့အချိန်နဲ့ တိုက်ကြည့်လိုက်ရင် နေ့လည် (၃-၅) ပဲ ရတယ်။ နန်းတို့ဆီကို ဆရာကူးလာရမဲ့နေရာနဲ့ နန်းတို့နေတဲ့နေရာနဲ့ အဝေးကြီးပဲ။ ဆရာ့ခမျာ နေပူပူကြီးကို ဆိုင်ကယ်နဲ့ လာရရှာမှာ။ 

ထိုင်းနိုင်ငံမှာ နေ့ လည် ၂ နာရီ၊ ၃ နာရီနေဟာ ဘယ်လောက်တောင်ပူလိုက်သလဲ။ ဆရာလက်ရှိ သင်ပေး နေတဲ့ကျောင်းမှာလဲ သွားတက်ချင်ရင်ရပါတယ်။ တနင်္ဂနွေနေ့တစ်ရက်ပဲ တက်ရမှာ။ အဲ့မှာတော့ကျောင်း လခ ဘတ်ငါးရာပဲ။ ဒါပေမဲ့ မနက်ရှစ်နာရီကျောင်းတက်ဖို့ မနက်ငါးရာရီ အိမ်ကထွက်ရတယ်။ မိန်းကလေး ဆိုတာ သိတဲ့အတိုင်းပဲ မနက်ငါးနာရီအိမ်ကထွက်နိုင်ဖို့ ဘယ်အချိန်အိပ်ယာထရမလဲလို့။ 

ပြီးတော့ လိုင်းကား နှစ်ဆင့်စီးရတယ်။ လိုင်းကားပေါ်စတက်တဲ့အချိန်က စပြီး ကျောင်းကိုရောက်တဲ့ အချိန် အထိ တစ်နာရီခွဲကျော်ကျော်ကြာတယ်။ အသွားအပြန် လိုင်းကားခ ငါးဆယ့်ခြောက်ဘတ် ကုန်တယ်။ မုန့် ဝယ်စားတာ၊ မနက်အဆာပြေစာအိမ်မှာစားဖို့အချိန်မရလို့ဝယ်စားတာ မပါသေးဘူး။ အဲ့ဒီမှာလဲ ၂ နာရီပဲသင်ရတာပါပဲ။ 

ပြီးတော့ သူတို့ကပြောသေးတယ်။ ငါတို့ ထိုင်းနိုင်ငံမှာ တသက်လုံးနေမှာမဟုတ်ဘူးတဲ့။ စာတွေ စကားတွေ မတတ်လဲဘာမှမဖြစ်ဘူးတဲ့။ (အဲ့ဒီအတွေးအခေါ်ကြီးကို လုံးဝသဘောမကျပါဘူး။) နန်းကတာ့ အဲ့လိုမထင် ပါဘူး။ တကယ်ဆို ဘာသာစကားတစ်ခု တတ်ထားတာ ကိုယ့်အတွက် အရှုံးမရှိပါဘူးနော့်။ ဘာသာရပ် တစ်ခုတတ်ဖို့ တစ်နာရီကို ဘတ်ရှစ်ဆယ်ကျော် ကျော်လေးပဲကုန်တာ မုန့်ဝယ်စားသလောက်ပဲရှိတာပါ။ ဖုန်းကဒ်ဝယ်ဖြည့်ရင်တောင် ဘတ်ခြောက်ဆယ်၊ တစ်ရာက ဘယ်လောက်ပြောရမှာမို့လို့လဲ။ (ထိုင်းနိုင်ငံ ရောက်တဲ့မြန်မာတွေ ဘယ်လောက်တောင်ဖုန်းပြောကြလဲဆိုတာ ထိုင်းနိုင်ငံမှာနေတဲ့မြန်မာတွေ အသိဆုံး ပေါ့။)

ဆရာလာသင်ပေးတာကို အိမ်မှာ စိတ်အေးလက်လေးထိုင်စောင့်နေရုံပဲ။ သူတို့တွေ နန်းအိမ်လာသင်ဖို့လဲ မဝေးပါဘူး။ သူတို့နေတဲ့နေရာနဲ့ နန်းနေတဲ့နေရာနဲ့ လမ်းလျှောက်လာရင် ဆယ်မိနစ်တောင်မကြာဘူး။ ပြီးတော့ အလုပ်တဖက်နဲ့ ဘာသာစကားတစ်ခုကိုသင်တာ တစ်ပတ် ၂ နာရီဆိုတဲ့အချိန်ဟာ အသင့်တော် ဆုံးပဲလို့ထင်တယ်။ ဒါမှ ကြားထဲမှာလေ့ကျင့်ဖို့အချိန်ရှိမှာလေ။ အများကြီးသင်ထားပြီး  လေ့ကျင့်ဖို့အချိန်မရှိ ရင်လဲ အလကားပဲမဟုတ်ဘူးလား။ 

၂ နာရီသင်ထားတဲ့လေ့ကျင့်ခန်းတွေကို တစ်ပတ်လုံး လေ့ကျင့်လိုက်ရင် ပိုပြီးတော့ကျွမ်းကျင်ပိုင်နိုင်သွားမယ် မဟုတ်ဘူးလား။ အသက်ကြီးပြီး အလုပ်များတဲ့ဦးနှောက်က များများလဲ မှတ်နိုင်မှာမဟုတ်ဘူးလေ။ ပြီးတော့ ဘာသာစကားအသစ်တခုကို ခုမှစသင်တာ လေ့ကျင့်သားဝဖို့လဲလိုတယ်။ ဒါမှ မှတ်မိမှာပေါ့။ 

ထားလိုက်ပါတော့လေ။ နန်းတစ်ယောက်ထဲသင်ရမယ်ဆိုလဲ လေးထောင်ပဲဖြစ်ဖြစ် နန်းကတော့ တန်တယ် ထင်တာပဲ။ ဘယ်သူတွေမလိုဘူးပြောပြော နန်းကတော့ သင်မှာပဲ။ တစ်သက်လုံး ဒီနိုင်ငံမှာ အလုပ်လုပ် မှာတော့မဟုတ်ပေမဲ့ ဘာမှမတတ်တာထက်စာရင်တော့ တတ်နေတာကောင်းတယ်မို့လား။ လူဆိုတာ တစ်သက်လုံး သင်ယူခြင်း၌ မရောင့်ရဲသင့်ဘူးလို့ နန်းကတော့ ခံယူထားတယ်။

ကဲ ရင်ဖွင့်ချင်တာတွေ ရင်ဖွင့်လိုက်ရလို့ ကျေနပ်သွားပြီ။း) သူတို့တွေကို မကျေမနပ်ဖြစ်နေတာ မဟုတ် ပါဘူး။ ဘယ်လိုပြောရမလဲ။ မြန်မာလိုပြောရမလား။ ထိုင်းလိုပြောရမလား။ မပြောတတ်တော့ဘူး။း)း)

จงเตือนตัวเองเอาไว้ว่า ..มันไม่เป็นไรที่เราไม่ได้ดีพร้อม..     

Remind yourself that. .. It does not matter that we are not perfect .. 

ကိုယ့်ကိုကိုယ် သတိပေးပါ။ 
“ဒီ့ထက်ပိုပြီးပြည့်စုံဖို့မလိုတော့ဘူးလား...ဒီလောက်နဲ့ကျေနပ်ပြီလားလို့…။”