မနေ့ညက အလုပ်ထဲကထွက်တဲ့အချိန် နောက်ကျသည်။ သမီးကိုကြိုပြီး အိမ်ပြန်ရောက်တော့ဈေးထုတ်တွေ ကိုဆိုင်ကယ်မှာချိတ်ထားတဲ့သမီးပါပါးကို ငုတ်တုတ်ထိုင်လျှက်သားတွေ့ရသည်။
“အယ်...အိမ်ထဲမဝင်သေးပဲနဲ့” ဆိုတော့
“အိမ်သော့ကို အိမ်ထဲမှာပဲမေ့ထားခဲ့တယ်”
“နန်းနောက်ကျလိုက်တာကိုယ်ရောက်နေတာ ကြာပြီ” တဲ့။
သော့ဖွင့်ပြီးအိမ်ထဲဝင်တော့ ဈေးထုတ်တွေချရင်း...
“ အားပါးပါး... ဈေးမှာ မိန်းကလေးတွေသက်သက်”
“ကိုယ်ဈေးဝယ်ရင်း ခေါင်းပါမူးတယ်။”
“တော်သေးတယ် နန်း စာရွက်နဲ့ရေးပေးလိုက်လို့ပေါ့။”
“မဟုတ်ရင် ကိုယ်ဘာမှဝယ်တတ်မှာမဟုတ်ဘူး။”
“မြန်မာဈေးဆိုင်မှာ အလကားပေးနေသလိုပဲ မနဲတိုးပြီးဝယ်လာရတယ်။”
“မြန်မာဈေးဆိုင်က တခါတလေမှလာတာဆိုတော့ သူတို့တွေလဲတော်တော်တိုးဝှေ့ပြီးဝယ်ကြတယ်။”
“တခုခုကျန်နေသလိုပဲခံစားရတယ် ပြန်ကြည့်လိုက်အုံး ဘာမေ့နေတာလဲလို့။”
ဝယ်လာတဲ့ပစ္စည်းတွေကို နေရာချရင်းဆိုတယ်။
“ နန်းသိတယ် ကိုယ်မေ့တာ ပုဇွန်ခြောက်ပဲနေမှာ။” “စာထဲမှာရေးမပေးပဲ ပါးစပ်ကပဲမှာလိုက်တာ။” ဆိုလိုက်တော့ “ အာ..ဟုတ်သားပဲ။ ကိုယ်မြန်မာဈေးဆိုင်ရှေ့မှာ အကြာကြီးလျှောက်ပြီးစဉ်းစားသေးတယ်။” “ဘယ်လိုမှစဉ်းစားလို့မရတော့လို့ ပြန်လာတာ။” “ကဲ... ကိုယ်ကလေးကြည့်ရင်းခဏနားအုံးမယ်နော်။ ဈေးထဲမှာ တော်တော်ခေါင်းမူးလာလို့။” ဆိုပြီး အိမ်ရှေ့ခန်းမှာ ခဏလှဲနေပါတယ်။
သမီးကို အရှေ့ခန်းမှာချပြီး ယူနီဖောင်းလဲ။ ချက်ပြုစရာတွေပြင်ဆင်ပေါ့။ ဗိုက်ဆာနေမှာစိုးလို့ သမီးကို ပဲနို့တစ်ဗူးတိုက်ထားလိုက်တယ်။ အားလုံးချက်ပြုတ်ပြီး ဟင်းချိုအိုးပွက်ခါနီးတော့
“ကိုကို ရေချိုးတော့ ဟင်းကျက်တော့မယ်။” “သမီးကိုလဲခေါ်ခဲ့တော့ထမင်းကျွေးရအောင်”
ကိုကိုက ရေချိုးရင်း မနက်က ကျန်ခဲ့တဲ့ပန်းကန်တွေဆေးကြော။ နန်းက သမီးကိုထမင်းခွံ။ ရေချိုးပြီးတော့ ကိုကိုက သံပုရာရည်ဖျော်တိုက်။ ထမင်းစားကြ။ ထမင်းခွံ့ရင်းနဲ့ သမီးက အိပ်ငိုက်လို့ ဂျီကျ။ ထမင်းစားပြီးတော့... “ကိုယ် အိပ်ယာခင်းတော့ သမီးအိပ်ငိုက်နေပြီ။”
ပါပါးအိပ်ယာခင်းနေတုန်း မေမေက သမီးကိုသန့်ရှင်းရေးလုပ်ပေး။ အိပ်ယာခင်းပြီးတော့ သားအဖနှစ် ယောက် အိပ်ယာပေါ်မှာ ဖုန်းတစ်လုံးနဲ့ အလုပ်ရှုပ်။ မေမေလဲ နောက်ဖေးမှာ သန့်ရှင်းရေးလုပ်။ ကျောင်းက ပြန်ပါလာတဲ့ သမီးအဝတ်ပေတွေလျှော်။ ခဏနေတော့ရေချိုး။ ရေချိုးခန်းက ထွက်လာတော့ ရှင်မင်းသန့်တို့အိပ်ပျော်နေပြီ။ မီးတွေပိတ်ပြီး အိပ်ယာဝင်တော့ ဆယ်နာရီ လေးဆယ်ငါး။
မှေးမှေး မှေးမှေး နဲ့အိပ်ပျော်မယ်ကြံတုန်း တရေးနိုးလာတဲ့ရှင်မင်းသန့်တို့ စငိုပါပြီ။ အစပိုင်းတော့ ဟင့်ဟင့်ဟင့်ဟင့် မျက်စိမဖွင့် အိပ်ယာပေါ်လူးလှိမ့်လို့ တဟင့်ဟင့်လုပ်သည်။ “အသဲလေး မေမေ့ ဆီလာ။” ခေါ်လိုက်တော့ မအေဆီကို လှိမ့်လာသည်။ လက်မောင်းပေါ်မှာ ခေါင်းတင်အိပ်ပြီး မအေကို ဖက်သည်။ ကျန်နေတဲ့မေမေ့လက်တဖက်ကိုဆွဲချပြီး သူ့နောက်ကျော်ကို ပုတ်ပြသည်။ နားလည်လိုက်ပြီ ဒါနှိပ်ခိုင်းတာ။ တဟင့်ဟင့်က မရပ်သေး။
ကျောရိုးလေးတစ်လျှောက် လက်ညှိုးလက်မလေးနဲ့ ဖွဖွလေးနှိပ်ပေးလိုက်သည်။ ခဏနေတော့ နှိပ်ပေးနေတဲ့လက်မောင်းကိုဆွဲပြီး မြှီးညှောင်းရိုးလေးကို ကုတ်ပြသည်။ နားလည်လိုက်ပြီ။ ဒါကုတ်ခိုင်းတာ။ တဟင့်ဟင့်က မရပ်သေး....။ မြှီးညှောင်ရိုးနဲ့ တင်ပါးလေးတွေကို လက်ဖဝါးလေးနဲ့ အသာအယာ ပွတ်သပ်ပေးလိုက်သည်။ (အဲ့ဒီနေရာမှာ အမှားကြီးမှားသွားတော့သည်။)
အဲ့ဒီမှ စ ကာ တဝါးဝါးနဲ့ငိုတော့သည်။ ပွတ်ပေးနေတဲ့လက်ကို တွန်းဖယ်ပြီး ကုတ်ပြပြန်သည်။ သူက လက်သည်းနဲ့ ကုတ်ခိုင်းတာကို လက်ဝါးနဲ့ပွတ်သပ်ပေးတော့ စိတ်တိုပြီး စိတ်ကောက်သွားတော့သည်။ ငိုလိုက် သည့်အငိုက အထက်အောက်ဘေးဘယ်ညာ ခုနစ်ယူဇနာတိုင်လိမ့်မည်ထင်ရသည်။ အောင်လိုက် တဲ့ အသံက ဖြူဖြူကျော်သိန်းထိုင်ငိုရမည်။
ငိုသည်။ ငိုသည်။ အာပြဲနဲ့အော်သည်။ နာရီကြည့်လိုက်တော့ ဆယ့်တစ်နာရီလေးဆယ်။ သမီးပါပါးထလာပြီး ပွေ့ချီသည်။ ကော့လန်ထိုးပြီး အောက်ပြန် ဆင်းသည်။ ထိုင်ရက်က တဖက်လှည့်သွားပြီး မေမေနဲ့ပါပါး ကိုကျောပေးပြီး ငိုသည်။ စိတ်ကောက်နေတယ် ဆိုတဲ့သဘော။ ခဏနေ ခေါင်းလှည့် လာပြီး မအေကို ပေ စောင်းစောင်းနဲ့ကြည့်သည်။ အငိုကမတိတ်သေး။ သမီးပါပါးက နန်းကိုချီခိုင်းတာနေမှာပေါ့။ ချီလိုက်ပါကွာ။ ဆိုတော့ ကောက်ချီလိုက်သည်။ ရင်ခွင်ထဲမှာ မျက်နှာအပ်ရင်း ဖက်၍ငိုသည်။ မအေကိုမော့ကြည့်သည်။ ဗိုက်နာလို့များလားဆိုပြီး ထက်လင်းရင်လူးဆေးကို ကျောနဲ့ရင်ဘတ်နဲ့ ရွှဲနေအောင် လူးပေးသည်။
အမျိုးမျိုး ချော့သည်။ အငိုက မရပ်သေး။ ပါးစပ်ကိုလက်ညှိုးထိုးပြပြန်သည်။ ဗိုက်ပြန်ဆာပြီနေမှာလို့ သမီးပါပါး က ပြောလဲပြော မီးဖိုချောင်ကငှက်ပျောသီးလဲ သွားယူလာပေးသည်။ တစ်ရှူးဗူးနဲ့ သမီးမုန့်စားနေကျပန်းကန် နဲ့ ဓါးနဲ့။ ငှက်ပျောသီးကို အခွံခွာ ဓါးနဲ့ အဝိုင်းကလေးတွေလှီးပြီး သူ့ရှေ့ချပေးလိုက်သည်။ ကောက်စားသည်။ တဝါးဝါးငိုနေတဲ့ အငိုက မရပ်သေး။ ငိုရင်းစားနေသည်။
ပါးစပ်ကို လက်ညှိုးထိုးပြပြန်သည်။ နားလည်လိုက်သည်။ ရေသောက်မယ်။ တခါထပ်မှားပြန်သည်။ သူက သူ့ပါပါးသောက်တဲ့ ရေအေးအေးသောက်ချင်တာ။ မေမေက အေးတာမကြိုက်တော့ သူ့ကိုရေရိုးရိုးပဲပေး လိုက်မိသည်။ ပါပါးသောက်တဲ့ အိပ်ယာဘေးတွင်ထားသော ရေခဲ့ဗူးကို လက်ညှိုးထိုးပြီး ငိုလက်စ အရှိန်ထက် နှစ်ဆတိုးငိုတော့သည်။ အထက်အောက် ဘေးဘယ်ညာ ဆယ့်လေးယူဇနာတိုင်လောက်ပြီ။ သေချာတယ် ဖြူဖြူကျော်သိန်း လက်ဖျားခါလောက်ပြီ။ ဘေးအခန်းတွေကို အားနာလှပြီ။
သူ့ပါပါးက ရေအေးအေး ခပ်တိုက်လိုက်သည်။ ငိုရတာတော်တော်မောပုံရသည်။ ရေကို တဂွတ်ဂွတ်မြည် နေအောင်သောက်သည်။ နဲနဲတော့ကျေနပ်သွားပြီ ငိုသည့်အရှိန် နဲနဲလျော့သွားသည်။ ပါပါးက တစ်ရှူးပေးလိုက်တော့ ပါးစပ်တွေသုပ်သည်။ မျက်ရည်တွေကို သုပ်သည်။ ပြီးတော့ လက်တွေသုပ်သည်။ လုံးပြီး မေမေ့ကိုပေးသည်။ ငိုနေတာ မရပ်သေး...။
သူ့မေမေက သူအရမ်းငိုလျှင် သူ့ကိုထိုင်ကြည့်ပြီး ရောငိုနေသည်။ သူ့လို တဝါးဝါးနဲ့ အသံထွက်အောင် မငို ပေမဲ့ ပါးပေါ်မှာ မျက်ရည်တွေ တလိမ့်လိမ့်ကျရင်း ငိုနေသည်။ ခေါင်းအုန်းကို လက်နဲ့ပုတ်ပြသည်။ အိပ်တော့မည်။ သူ့ပါပါးက လှဲချပေးလိုက်သည်။ ထပ်မှားပြန်သည်။ ငိုတဲ့အသံ ထပ်ကျယ်လာသည်။ ပြန်ထူပေးလိုက်သည်။
မေမေ့ကိုကြည့်ပြီး ခေါင်းအုံးကို ထပ်ပုတ်ပြပြန်သည်။ မေမေ့ကိုအိပ်ခိုင်းတာ။ လှဲအိပ်လိုက်သည်။ မေမေ့ လက်မောင်းကို ဆွဲပြီး နေရာရွှေ့သည်။ သူ မေမေ့လက်မောင်းပေါ်အိပ်မည်။ အငိုက မတိတ်သေး။အိပ်ပြီးတော့ လဲ ငိုနေသေးသည်။ လက်ညှိုးတွေလျှောက်ထိုးပြီး ထပ်အော်ပြန်သည်။ သူလက်ညှိုးထိုး တဲ့နောက် သူ့မျက်လုံး တွေကလဲ လိုက်ကြည့်ပြီး အော်ငိုနေသည်။ သူလက်ညှိုးညွှန် ရာလျှောက်ကြည့်တော့ ဘာမှမရှိ။
စိတ်ထဲမသိုးမသန့်ဖြစ်လာသည်။ ဖုန်းနဲ့ ကြာနီကန်ဆရာတော်၏ ပရိတ်ကြီး ဆယ့်တစ်သုတ် ကို တိုးတိုး လေးဖွင့်လိုက်သည်။ သူ့ပါပါးက ဘုရားစင်မှ ဘုရားသောက်တော်ရေစွန့်လာပြီး တိုက်သည်။ တအိမ်လုံး လိုက်ဖျန်းသည်။ အော်ငိုနေတာ မရပ်သေး။ မေမေ့လက်ကိုဆွဲ့၍ သူ့ကိုဖက်ထားခိုင်းသည်။ မေမေ့ရင်ခွင်ထဲမှ လက်ညှိုးထိုးလိုက်လှည့်ကြည့်လိုက်လုပ်ရင်း ငိုနေသည်။
ခဏနေတော့ တိတ်သွားသည်။ သူ့ကိုဖက်ထားတဲ့ မေမေ့လက်ကို သူ့လက်ကလေးနဲ့ တင်းနေအောင် ပိုက်ထားသည်။ စိတ်ချသွားပြီထင့် အိပ်ပျော်သွားပြီ။ ကိုကိုအိပ်တော့။ မနက်အလုပ်သွားရမှာဆိုတော့ နာရီလဲကြည့်ပါအုံးတဲ့။ ကြည့်လိုက်တော့ လေးနာရီ နှစ်ဆယ်။ ဆယ့်တစ်နာရီလောက်ကနေ လေးနာရီ လောက်ထိ မရပ်တန်းအော်ငိုနိုင်သော ရှင်မင်းသန့် ပေတည်း။ အံ့ဖွယ်သုတပါတကား။ မီးမှိတ်ပြီး အိပ်ပျော် သွားတော့သည်။
မနေ့က အိပ်ပျော်သွားပြီး အိပ်ယာထနောက်ကျလို့ အလမ်းပေးထားသည်။ ရှင်မင်းသန့်တို့ ပိုတိကျသည်။ အလမ်းမမြည်ခင် ငါးမိနစ်လိုတော့နိုးလာသည်။ နိုးတာနဲ့ တန်းငိုတော့သည်။ သူ့ပါပါးနိုးမှာစိုးလို့ ပွေ့ချီ သွားပြီး ရေချိုးခန်းမှာ မျက်နှာသစ်သွားတိုက်ပေးသည်။ ငိုနေဆဲ။ မီးဖိုထဲမှာ မုန့်ထုတ်ကိုဖောက် ပြီးပန်းကန် နဲ့ထည့်ကာ ချပေး လိုက်သည်။ မုန့်ပန်းကန်ကိုတွန်းပစ်ပြီးဆက်ငိုသည်။
ထမင်းအိုးတည်၊ မနေ့ညကချက်ထားတဲ့ဟင်းတွေပြန်နွှေး၊ ဟင်းချိုအိုးပြန်တည်။ ရေနွေးတည် လက်ဘက် ရည်ဖျော်။ ငိုနေဆဲ။ ချွေးတွေ၊ မျက်ရည်တွေ၊ နှပ်တွေ ရွှဲနေလို့ရေချိုးပေးလိုက်သည်။ ငိုနေဆဲ။ သမီးကို ရေ ချိုးပေးပြီး အရှေ့ထွက်လာတော့ သူ့ပါပါးကအိပ်ယာသိမ်းပြီးပြီ။ ဘေဘီမိုင်းလ်လိုးရှင်းလိမ်း ပေါင်ဒါထည့် အိင်္ကျီလဲပေးပြီး ခဏချထားခဲ့သည်။ ငိုနေဆဲ။
ထမင်းအိုးကျက်တော့ ဆွမ်းတော်ကပ်။ ဘုရားရှိခိုးပြီး ထမင်းခူး။ သမီးကို ထမင်းစားပွဲနားခေါ်လာတော့ သမီးပါပါးရေချိုးပြီးပြီ။ ထမင်းစားကြတော့လဲ ငိုနေဆဲ။ ထမင်းလဲကောင်းကောင်းမစား။ မုန့်လဲမစား။ မိုင်လိုလဲမသောက်။ ပဲနို့လဲမသောက်။ ရေလဲမသောက်။ ငိုပဲငိုနေသည်။ ခဏနေတော့ သူ့ပါပါး အလုပ် သွားသည်။ အလုပ်သွားခါနီး မေမေ့ကို ကို့အသဲလေးပင်ပမ်းသွားပြီဆိုကာ အာဘွားပေးပြီး ငိုနေတဲ့သူ အာဘွားမပေးတော့ဘူး လို့ပြောတော့ အာပြဲနဲ့ ထအော်တော့သည်။ မလိုက်ရလို့လက်ညှိုးထိုးပြီး ငိုပြန်သည်။ ခါတိုင်းဆို ပါပါးအလုပ်သွားရင် တာ့တာတို့ ဖလိုင်းကစ်တို့ လုပ်နေကျ။ ဒီနေ့တော့ လက်ညှိုးထိုးပြီးငိုသည်။
သူငိုနေတာကို အိမ်ရှေ့မှာထားပြီးရေချိုးသည်။ အလုပ်သွားဖို့ယူနီဖောင်းလဲသည်။ ခေါင်းဖြီးသည်။ ရှင်မင်းသန့်ငိုနေဆဲ။ အငိုလွန်ပြီး ပက်လက်လန်ကျသည်။ နောက်စေ့နှင့် ကြမ်းပြင်နှင့် ဒုံးကနဲ၊ အသံပြာတက်သွားသည်။ မျက်နှာကို moisturizer မြန်မြန်ပွတ်ပြီး ကောက်ချီလိုက်သည်။ ကျောင်းသွာဖို့ ပြင်ဆင် အဝတ်လဲပေး ခြင်းထဲကို သူ့အဝတ်အစားနဲ့ မုန့်တွေထည့်ပေး။ ဦးထုတ်ဆောင်းပေးပြီး အပြင်ထွက်လာတော့ အငိုတိတ်သွားသည်။
ကျောင်းကိုရောက်တော့ သူ့ကိုထိန်းတဲ့အဒေါ်ကြီးက တိုက်ဘေးကနေလှမ်းခေါ်သည်။ ဒီကိုလာ။ အပေါ်ထပ်မှာမဟုတ်တော့ဘူးတဲ့။ ဒေါင့်ခန်းလေးမှာဖြစ်သွားပြီ။ အပေါ်တက်စရာမလိုတော့ဘူးပေါ့။ မဟုတ်ရင် ကလေးချီပြီး အပေါ်တက်ရတာ မသက်သာဘူး။ အဒေါ်ကြီးက လှမ်းခေါ်လိုက်တဲ့အချိန် ထပ်ငိုပြန်သည်။ ငိုရင်လဲ လှည့်ကြည့်နေလို့မရတော့ အလုပ်သွားရတော့မည်။ သမီးငိုသံကို ကျောခိုင်းလို့ ရင်နင့်နင့်နဲ့ ထွက်လာခဲ့သည်။ တနေကုန်ငိုနေမလားမသိ။
မနေ့ညက ညစာစားပြီးတော့ အစာကြေဆေးသောက်လိုက်သည်။ ဝမ်းချုပ်နေလို့ နဲနဲပိုသောက်လိုက်သည်။ သမီးငိုတော့ ဗိုက်နာလို့များလားဆိုပြီး အစာကြေဆေး နောက်တစ်မျိုးကျွေးသည်။ သမီးက မစားတော့ မေမေစားလိုက်သည်။ အစာကျေဆေးနှစ်မျိုးအစွမ်းကြောင့် ဒီနေ့အလုပ်ထဲမှာ ဝမ်းလျှောပါသည်။ မနေ့ ညက အိပ်ရေးပျက်ထားတာနှင့်ပေါင်းပြီး လူက ယဲ့ယဲ့သာကျန်ပါတော့သည်။ နားထဲမှ လေတွေ အဟူးဟူး ထွက်နေပေပြီ။ ခေါင်းတွေလဲ တရိပ်ရိပ်မူးနေပြီ။ ယခု စာရေးနေချိန် ညနေသုံးနာရီထိုးခါနီးထိ ရေအိမ် သွားတာ ဆယ်ကြိမ်ကျော်ပြီ။
ယနေ့ အလုပ်ပါး၍တော်ပေသေးသည်။ အိမ်တွင် အင်တာနက် လုံးဝမသုံးပဲ ရုံးတွင် နေမကောင်းလျှက်က အလုပ်တဖက်နှင့် စာရေးသော နန်းရွှေမှုံတော်ပါပေသည်။ အံ့သြဖွယ်ကောင်းလေစွ လုံးဝအိပ်မငိုက်ပါ တကား။ ညနေအလုပ်ဆင်းလို့သွားကြိုလျှင် ဘယ်လိုနေမယ်မသိ။ မေမေတော့ တော်တော် ဖလက်ပြ ၍နေပေပြီ။ မနက်ဖြန်အလုပ်ပိတ်၍တော်သေးသည်။
နန်းရွှေမှုံ။
